Capitel: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 Die gantze Heilige Schrifft: Deud\ch (Luther 1545) Das vierde Buch Mo\e Capitel 3 DJS i\t das Ge\chlecht Aaron vnd Mo\e / zu der zeit / da der HERR mit Mo\e redet auff dem berge Sinai / 2 vnd dis \ind die namen der \öne Aaron. Der Er\tgeborne Nadab / darnach Abihu / Eleazar vnd Jthamar. 3 Das \ind die namen der \öne Aaron / die zu Prie\ter ge\albet waren vnd jre hende gefüllet zum Prie\terthum. 4 Aber Nadab vnd Abibu \torben fur dem HERRN / da \ie frembd Fewr opfferten fur dem HERRN in der wü\ten Sinai / vnd hatten keine \öne. Elea\er aber vnd Jthamar pflegten des Prie\terampts vnter jrem vater Aaron. Exod. 6.; Leui. 10.; 1. Par. 24. 5 VND der HERR redet mit Mo\e vnd \prach / 6 Bringe den \tam Leui erzu / vnd \telle \ie fur den Prie\ter Aaron / das \ie jm dienen / 7 vnd \einer vnd der gantzen Gemeine hut warten / für der Hütten des Stiffts / vnd dienen am dien\t der Wonunge / 8 vnd warten alles Gerets der Hütten des Stiffts / vnd der hut der kinder J\rael / zu dienen am dien\t der Wonunge. 9 Vnd \olt die Leuiten Aaron vnd \einen \önen zuordnenen zum ge\chenk von den kindern J\rael. 10 Aaron aber vnd \eine Söne \oltu \etzen / das \ie jres Prie\terthums warten / Wo ein Frembder \ich erzu thut / Der \ol \terben. 11 VND der HERR redet mit Mo\e / vnd \prach / 12 Sihe / Jch habe die Leuiten genomen vnter den kindern J\rael / fur alle Er\tegeburt / die da mutter brechen vnter den kindern J\rael / al\o / das die Leuiten \ollen mein \ein. 13 Denn die er\ten Geburt \ind mein \int der zeit ich alle Er\tegeburt \chlug in Egyptenland / da heiliget ich mir alle Er\tegeburt in J\rael / von Men\chen an bis auff das Vieh / das \ie mein \ein \ollen / Jch bin der HERR. Num. 8.; Exod. 13. 14 VND der HERR redet mit Mo\e in der wü\ten Sinai / vnd \prach / 15 Zele die kinder Leui nach jrer Veter heu\er vnd ge\chlechten / alles was menlich i\t eins monden alt vnd drüber. 16 Al\o zelet \ie Mo\e nach dem wort des HERRN / wie er geboten hatte / 17 Vnd waren dis die kinder Leui mit namen / Ger\on / Kahath / Merari. 18 Die namen aber der kinder Ger\on in jrem Ge\chlecht waren / Libni vnd Simei. 19 Die kinder Kahath in jrem Ge\chlecht waren / Amram / Jezehar / Hebrom vnd V\iel. 20 Die kinder Merari in jrem Ge\chlecht waren / Maheli vnd Mu\i / Dis \ind die ge\chlecht Leui nach jrer Veter hau\e. Exod. 6. 21 DJS \ind die ge\chlechte von Ger\on / Die Libniter vnd Simeiter / 22 Dere \umma war an der zall funden / \ieben tau\ent vnd fünff hundert / alles was menlich war / eins monden alt vnd drüber. 23 Vnd das\elb ge\chlecht der Ger\oniter \ollen \ich lagern hinder der Wonunge gegen dem Abend. 24 Jr Ober\ter \ey Elia\aph der \on Lael. 25 Vnd \ie \ollen warten an der Hütten des Stiffts / nemlich / der Wonung vnd der Hütten vnd jrer Decken / vnd des Tuchs in der thür der Hütten des Stiffts / 26 des Vmbhangs am Vorhoff / vnd des Tuchs in der thür des Vorhoffs / welcher vmb die Wonung vnd vmb den Altar her gehet / vnd \einer Seile / vnd alles was zu \einem dien\t gehöret. 27 DJS \ind die ge\chlechte von Kahath / Die Amramiten / die Jezehariten die Hebroniten vnd V\ieliten / 28 was menlich war eins monden alt vnd drüber / An der zal acht tau\ent vnd \echs hundert / die der hut des Heiligthums warten. 29 Vnd \ollen \ich lagern an die \eiten der Wonung gegen Mittag. 30 Jr Ober\ter \ey Elizaphan der \on V\iel. 31 Vnd \ie \ollen warten der Laden / des Ti\chs / des Leuchters / des Altars / vnd alles Gerets des Heiligthums / dar an \ie dienen / vnd des Tuchs vnd was zu \einem dien\t gehört. 32 Aber der Ober\t vber alle Ober\ten der Leuiten \ol Elea\ar \ein / Aarons \on des Prie\ters / vber die verordnet \ind zu warten der hut des Heiligthums. 33 DJS \ind die ge\chlechte Merari / die Maheliter vnd Mu\iter / 34 Die an der zal waren / \echs tau\ent vnd zwey hundert / alles was menlich war / eins monden alt vnd drüber. 35 Jr Ober\ter \ey Zuriel der \on Abihail. Vnd \ollen \ich lagern an die \eiten der Wonung gegen Mitternacht. 36 Vnd jr Ampt \ol \ein zu warten der bret vnd rigel / vnd \eulen / vnd fü\\e der Wonung / vnd alles \eins Gerets vnd \eins dien\ts / 37 Da zu der \eulen vmb den Vorhof her / mit den fü\\en vnd negeln vnd \eilen. 38 ABer fur der Wonung vnd fur der Hütten des Stiffts / gegen Morgen \ollen \ich lagern Mo\e vnd Aaron vnd \eine Söne / das \ie des Heiligthums warten / vnd der kinder J\rael / Wenn \ich ein Frembder erzu thut / Der \ol \terben. 39 Alle Leuiten in der \umma / die Mo\e vnd Aaron zeleten / nach jren Ge\chlechten / nach dem wort des HERRN / eitel Menlin eins monden alt vnd drüber / waren zwey vnd zwenzig tau\ent. 40 VND der HERR \prach zu Mo\e / Zele alle Er\tgeburt / was menlich i\t vnter den kindern J\rael / eins monden alt vnd drüber / vnd nim die zal jrer namen. 41 Vnd \olt die Leuiten mir / dem HERRN / aus\ondern fur alle Er\tegeburt der kinder J\rael / vnd der Leuiten vieh fur alle Er\tegeburt vnter dem vieh der kinder J\rael. 42 Vnd Mo\e zelet / wie jm der HERR geboten hatte / alle Er\tegeburt vnter den kindern J\rael / 43 VND fand \ich an der zal der namen aller Er\tegeburt was menlich war eins monden alt vnd drüber / in jrer \umma zwey vnd zwenzig tau\ent / zwey hundert vnd drey vnd \iebenzig. 44 VND der HERR redet mit Mo\e / vnd \prach / 45 Nim die Leuiten fur alle Er\tegeburt vnter den kindern J\rael / vnd das vieh der Leuiten fur jr vieh / das die Leuiten / mein / des HERRN \eien. 46 Aber das Lö\egeld von den zwey hundert drey vnd \iebenzig vberlengen Er\tengeburten der kinder J\rael / vber der Leuiten zal / 47 \oltu ja fünff \ekel nemen von heubt zu heubt / nach dem \ekel des Heiligthums (Zwenzig Gera gilt ein \ekel) 48 vnd \olt das \elb geld / das vberleng i\t vber jre zal / geben Aaron vnd \einen Sönen. 49 Da nam Mo\e das Lö\egeld / das vberlenge war vber der Leuiten zal 50 von den Er\tengeburten der kinder J\rael tau\ent drey hundert vnd fünff vnd \echzig \ekel / nach dem \ekel des Heiligthums / 51 vnd gabs Aaron vnd \einen Sönen / nach dem wort des HERRN / wie der HERR Mo\e geboten hatte. Exo. 30.; Leui. 27.; Ezech. 45.
Die gantze Heilige Schrifft: Deud\ch (Luther 1545)