Capitel: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 Die gantze Heilige Schrifft: Deud\ch (Luther 1545) Das er\te Buch der Chronica Capitel 23 Al\o macht Dauid \einen \on Salomo zum Könige vber J\rael / da er alt vnd des lebens \at war. 2 VND Dauid ver\amlet alle Ober\ten in J\rael / vnd die Prie\ter vnd die Leuiten / 3 das man die Leuiten zelete / von drei\\ig (1) jaren vnd drüber / vnd jr zal war von heubt zu heubt / das \tarcke Man waren / acht vnd drei\\ig tau\ent. 4 Aus welchen worden vier vnd zwenzig tau\ent verordnet / die das werck am Hau\e des HERRN trieben / vnd \echs tau\ent Amptleut vnd Richter / 5 vnd vier tau\ent Thorhüter. Vnd vier tau\ent Lobe\enger des HERRN mit Seiten\piel / die ich gemacht hab / lob zu\ingen. 6 VNd Dauid macht die Ordnung vnter den kindern Leui / nemlich / vnter Ger\on / Kahath vnd Merari. 7 Die Ger\oniten waren Laedan vnd Simei. 8 Die kinder Laedan / der er\t / Jehiel / Sethan / vnd Joel die drey. 9 Die kinder aber Simei waren / Salomith / Ha\iel / vnd Haran die drey. Die\e waren die furneme\ten vnter den Vetern von Laedan. 10 Auch waren die\e Simei kinder / Jahath / Sina / Jeus vnd Bria / die\e vier waren auch Simei kinder. 11 Jahath aber war der er\te / Si\a der ander. Aber Jeus vnd Bria hatten nicht viel kinder / darumb wurden \ie fur eins Vaters haus gerechnet. Sup. 6. 12 DJE kinder Kahath waren / Amram / Jezehar / Hebron vnd V\iel / die viere. 13 Die kinder Amram waren / Aaron vnd Mo\e. Aaron aber ward abge\ondert / das er geheiliget würde zum Allerheilig\ten er vnd \eine Söne ewiglich / zu reuchern fur dem HERRN / vnd zu dienen vnd zu \egenen in dem Namen des HERRN ewiglich. 14 Vnd Mo\e des mans Gottes kinder wurden genennet vnter der Leuiten \tam. 15 Die kinder aber Mo\e waren / Ger\on vnd Elie\er. 16 Die kinder Ger\on / der er\te war Sebuel. 17 Die kinder Elie\er / der er\t war Rahabja. Vnd Elie\er hatte kein ander kinder. Aber der kinder Rehabja waren viel drüber. 18 Die kinder Jezehar waren Salomith / der er\te. 19 Die kinder Hebron waren / Jeria der er\te / Amarja der ander / Jeha\iel der dritte / vnd Jakmeam der vierde. 20 Die kinder V\iel waren / Micha der er\t / vnd Je\ia der ander. 21 DJE kinder Merari waren / Maheli vnd Mu\i. Die kinder Maheli waren / Elea\ar vnd Kis. 22 Elea\ar aber \tarb vnd hatte keine Söne / \ondern Töchtere / vnd die kinder Kis jre brüder / namen \ie. 23 Die kinder Mu\i waren / Maheli / Eder vnd Jeremoth / die drey. 24 Das \ind die kinder Leui vnter jrer Veter heu\er / vnd furneme\ten der Veter die gerechnet wurden nach der namen zal bey den Heubten / welche theten das ge\chefft des Ampts im Hau\e des HERRN / von zwenzig jaren vnd drüber. 25 Denn Dauid \prach / der HERR der Gott J\rael hat \einem Volck ruge gegeben / vnd wird zu Jeru\alem wonen ewiglich. 26 AVch vnter den Leuiten wurden gezelet der kinder Leui von zwenzig jaren vnd drüber / das \ie die Wonung nicht tragen durfften mit all jrem gerete jrs Ampts. 27 Sondern nach den letzten worten Dauid (2) / 28 das \ie \tehen \olten vnter der hand der kinder Aaron / zu dienen im Hau\e des HERRN im hofe / vnd zu den ka\ten / vnd zur reinigung / vnd zu allerley heiligthum / vnd zu allem werck des Ampts im hau\e Gottes / 29 vnd zum Schawbrot / zum Semelmelh / zum Spei\opffer / zu vnge\ewrten fladen / zur pfannen / zu ro\ten / vnd zu allem gewicht vnd mas. 30 Vnd zu \tehen des morgens zu dancken vnd zu loben den HERRN / des abends auch al\o. 31 Vnd alle Brandopffer dem HERRN zu opffern auff die Sabbathen / Newmonden vnd Fe\te / nach der zal vnd gebür alle wege fur dem HERRN / 32 das \ie warten der Hut an der hütten des Stiffts vnd des Heiligthums / vnd der kinder Aaron jrer brüder / zu dienen im Hau\e des HERRN. (1) Es \cheinet / die Ebrei\che Bibel hie verfel\cht \ein denn \on\t allenthalben zwenzig ge\chrieben \tehet / vt paulo infra in 4. Paragrapho / et in Mo\e. (2) Mutatio onerum Mo\i.
Die gantze Heilige Schrifft: Deud\ch (Luther 1545)